الثلاثاء، 16 ديسمبر 2008

أرجوك ابعد ترى في الجو غيم

اليوم جنه الجو فيه غيم ,,, الكل مستنفر الكل مجتمع ,, الكتل السياسة مجتمعه وتصرح بتالي الليل , والجرايد إلي العصر مو لاقيه خبر تكتبه ,,, تعتقدون المطر قرب وإلا الوضع مطول على (( أرجوك أبعد أبعد ترى بالجو غيم ))

عاد أنا من شفت تلفزيون الكويت اليوم حاط أغنية وطنية ومحطة أم العيش تحجي حاضر بلادي ,,, قلت خلاص نوابنا راح يقعدون في بيوتهم ,,, وإلا أشمعنى هذة الأغنية شنو بيخصخصون محطة أم العيش ؟

عاد من نسأل ,,, ماكو إلا أسيل العوضي مرشحة التحالف !!

عرفتوها وإلا ما عرفتوها


انزين على ما تعرفونها ,,,, صديقي اماني أو الحاجة أماني قاعدة تحن على اليوم تبي نروح القاهرة برأس السنة ,,, أنزين القاهرة عاد كلش مو شئ عيزت من اليوم أقنعها مو راضية ,, القاهرة ورأس السنة ,, شنو نبي نتطمن على أحوال رعيتنا فيها برأس السنة ,, عاد القاهرة بهذة الحزة ماكو إلا عيال كيفان قطعة 3 ,,, ما تضيعهم تلاقيهم لابسين بدلة ونعال تميمة وبشيرتون القاهرة ,,,؟






شرت عليها من ورا قلبي جود تهون (( وأقب بروحي )) قلتها أمشي لندن نروح أسبوع ,, نقعد باللاند مارك عشان ماكو الساعة 7 بالليل حالها حال اليابانيين الشياب اللي رايحين برأس السنة هناك حاطين راسهم ونايمين ,,, تروح تنام و أنا أطلع ,,, يا حيل الله أقضي ثلاث أرباع اليوم معاها وباقي اليوم أنا مع أنــــا ,,,
برضو مو راضية ,,, مصممة تبي القاهرة




انزين قلتلها أمشي نروح ميلانو ونطلع على كومو أنتكوّم هناك أكمن يوم ,,, نصد شوي ونقضي رأس السنة وعقبها انتسوق يومين ونرجع

المره مصممه إلا القاهرة ,,, لا حول الله وأنا هاليومين مالي خلق أحد يتحجي مصري على مخي





قلتها خلاص خل نروح بيروت ,, ما عاد بيأوصوا ,, جود نشوف سعد بيك ,, عاد اهي تحبه ودها تشوف بالصج ,, كرمال الله لو بتشوفوا سعد الحريري بالحقيقة كيف بيحكي ,, بيجنن ,,,,, ,,, ويه ويه ويه ,,, أنا متأكد لو بتشوفوا بتنجنوا ,,,!!

يا ربي هم ما رضت الحاجة أماني تقول بيروت بالمناسبات بيصير فيها تفجيرات

يات تبي تكحلها عمتها ,,, قالتلي أذا مو القاهرة شرم الشيخ !






الزبدة أشوف من كتبت ضد وليد بيك الطبطبائي وأنا متلدده ,,, بومساعد جنك حطيت القول فيني مو بالحكومة ,,, يا أخي أستجوب اللي تبيه كيفك بس فكني ,,, أشوف حتى رفيجتي تلددت أمسكت عندها القاهرة !!
إيه اتهقون شالحل
القاهرة مابي
أحد يسافر معاي مابي
والحين
تتوقعون فيه مطر
وإلا أرجوك أبعد أبعد ترى فالجو غيم




هناك 9 تعليقات:

bo rashed يقول...

انا اقول راس السنه بالكويت انفع
الجو يالله الينه شمال
والبريدات ترد الروح
شلج بالطياره وغثا المطارات
وشيل الجناط
وهالمطبات اللي تشيل وتشدخ
تقول راكب مركب
لا وهالايام البورصه شكلها حنونه

يعني خلج يم حلالج ورابطي يم محفظتج
والعقار شكله بيهبد
الا تعالي بقولج شلون انا قاعد اعلق
عندج مو انا انتي وانتي انا
تهقين فيني لوثه بمخي
P:
بعدين الحين مالقيتي الا براطم الحريري
هاللي جنهم رمان محزر تمدحينهم
شفيهم براطم عبداللطيف الكويتي
مو الكويتي انفع
:)
صباح الخير على ألبك

هذيان يقول...

بوراشد ربي يخليك لي

اهي الروحه زينه تسرسح على الجبد بس الرده عاد مطار وجناط
والا المطبات عاد انا عندي فوبيا بس علموني خوش ادوى لها

:))

شوف بوراشد انا حدي شهر شهر ونص بالكثير ما اشوف بوادر بالأفق لأنفراج الأزمة بتلقاني بالشارع واصرخ
أبيــــــها
العقار بلش وال 4 اشهر الياية عاد شوف الأستثماري الي وين يوصل


إيه أنا أنت نكتب حق بعض :))


واااي وااااي سعد بيــــك ايهبل
لو شايفه جان عذرتني
عاد بلاطمه يا الله الينه اهي محليته يا حلوه واهو يحجي
يا زيـــــنه هالريال يا بوراشد
:)
ويسعد صباحك وين ما كنت

صبا يقول...

صباح الخير... هذيان

شخبارج يالغاليه ...


ويا زين الحريري ما عليج من بوراشد
ما تدرين ما يرضي تمدحين احد غيره يغار ...كله منج مدلعته ..إكليها

;)


الجو اينن يعني تسافرين ولا تقعدين براس السنه أهم شي وين المكان الي يسوي الواحد يسهر فيه .. :)

والله صج ابي اسهر براس السنه

ويييييييييين؟؟؟


ابي مكان في برنامج

إلا إذا بوراشد يعزمنا هذا شي ثاني ;)

(بوراشد يعني انتي لحد يفهموني غلط)

:))

عاد اذا عزمنا ما نبي غير معرفين معانا

والي عندهم أزدواجيه بالشخصيه لا يرزون ويييوهم P:

أهم شي الاضائه الخافته والدي جي ما يكون هبان :)

وصباحج فل

صبا يقول...

تعالي بقولج ..أهوو قربي


توهقت


منو يستشور شعري براس السنه ؛)

وإلا هونتي :)))))))))))))))))))


:**

هذيان يقول...

صبــــو يسعدلي صباحك

شلونج


صبا عاد فديته دلعلع هذيان يااختي احبه هالريال بوراشد إيحألوا يدلل


أما الحريري يا أخيتي أول مره براطم تزين صاحبها العادة كل واحد بوبرطم كحلي

اما راس السنة يا اخيتي شكلي بطنش اماني ما أقدر ما أطق كرت بلااس السنة في لندن
الفؤاد وما يهوى

أفا عليج تعالي نحتفل
لنا الراس ولغيرنا الكرياس
:)))

تعالي الحين
انا اهو وإلا اهو انا وإلا نحن أنتي
لا يا أخيتي أنا قايله شعار راس السنة
وشـــــوبش
يسقط الغير معرفين والمزدوجين والملاقين
ورقصني يا قعد

وشعرك نشوفه صرفه

بعد انتي شعرك إلا يحتاج استشوار

:))

غير معرف يقول...

الهوى واقف وبقلب كوس

ZooZ "3grbgr" يقول...

لا للقاهرة
ندااااء للحاجة أماني

والنبي ما تروحيش مصر يا حجه والنبي دي حتبأه زحمه وتئرفك بالكوايته والسعاوده والخليجييين يعني براس ام السنه عاوزه تروحي ام الدنيا وتسمعيهم يؤولي هييييييي سنه حلوه يا جميل هابي بيرزدي نيو يير


وصوتي يروح لرومااااااااا
شكلي بسويها بعيد ميلادي المجيد
1-1 :")



احم احم لسويت هذيان

"انزين على ما تعرفونها ,,,, صديقي اماني أو الحاجة أماني قاعدة تحن على اليوم تبي نروح القاهرة برأس السنة"

صديقي ما تنفع
بعد عمري ما عليج أمر صديقتي
وبليز ما نبي تبدل اجناس
احنا العيم ما نرضى احد يتعدى على ثوابتنا
كل واحد يمسك ثوابته ويقعد
حتى كيفان قطعه 3
كل واحد ثوابته على جتفه نوطه بو ألف بجيبه
عشووون عيل

هذيان يقول...

حسافتج

جونا 4 فصول باليوم

هذيان يقول...

زووز

بديت اشك انج مصحح لغوي


اهي القاهرة بس صارت لجه والله حنا اهنيه مفيش فايده كله هايص


اهااااااا
عديتي كل حاجه وامسكتي على صديقي
طيب عاد انا عندي اصدقاء وايد