لندن هووه ويه ؟؟؟

باريس بالصيف حدها 3 أو 4 أيام ويمديك تعرف من اللي كان يهايط بالديرة وهو على المكتب الصحي راح باريس ؟؟؟
والله من وراء القصد
لندن وما أدراك ما لندن
وديرة لندن سقاها السيل
ديرة طرب لل ,,,,,,؟؟؟
بالتاكيد أذا وصلت الأوتيل أول شئ راح تسأل كامل العدد وإلا باقي أحد من شلة كل سنة ما وصل
وصلت لندن و وصل المطر معاي ,,,,:)))))))
أذا وصلت لندن وما رحت شارع بورتبيلو تمشيت بعيد عن قوم بني كويت تكون ما عرفت لندن عدل ؟؟
في بورتبيلو محل يبيع الأقنعة القديمة لحفلات فينيسيا ومفكرات للكتابة جلدية لفلورانسا ؟؟؟
ولأن ما أحب الأقنعة والتزييف ,,, اشتريت من أقنعة فينسيا أمس 5 لأنها تعتبر منظر جمالي مش للتزييف ؟؟؟
وبعد شوي راح أطلع لنادي شيلسي وأشرب قهوة بالكافيه هناك مع الروس وبقايا الشيوعيين واتسوق من الميجا ستور ؟؟
ضلت فيه أشكاليتين ؟؟؟
البارح شفت حريم كويتيات يوقفون تاكسي سمعت وحدة تقول اكسكيوزمي وبعدها قالت هووه ويه !! أكسكيوزمي عرفناها ,,, هوو ويه شنو اللي طلعها من الحر ؟؟؟
معقولة فيه ناس تسافر على حساب الصحة وهي ما فيها مرض ,,, اشلون ما يتقون ربهم !!!
أول العام الوالدة سافرت للإلمانيا علاج على حسابها الخاص بالتأكيد نقدر نروح على حساب الصحة والدفاع ,,, بس بحياتنه ما سويناها وشهر 12 الياي أنا طالعة أمريكا للعلاج وبرضو على حسابي مش على حساب الدولة ,,, مش عنطزه لا بس حرام تأخذ حق غيرك يكون أحوج منك فيه ,,,, وللخالق قدره ومن يتذكر قدرت الخالق نجا من أمور كثيرة ؟؟؟
مره بالزمانات في لندن كنت بطلع وإلا عناد فيني امي وعمتي أصروا يطلعون معاي وأنا ما بيهم وإلا عشان اصغر وحده اتحمل ,, كان يومها يوم أحد أو سبت سنة 91 بالصيف أو 93 كان فيه حفلة اوبرالية في الهايد بارك لبافاروتي ,,, وعناد جان آخذهم معاي هناك من عقب صراخ بافاروتي حرموا يطلعون معاي !!!
هذة نصيحة ببلاش حق المراهقات اللي مبتلشين بالطلعة مع أمهاتهم ,,, دوروا غير بافاروتي الحين عقب ما مات واخذوا أمهاتكم
مجرب !!!!
الأخطر فيه لندن هذة السنة كافيه
one o one
صارت 15 باوند وجبة غداء مفتوحة ,,, الله تذكرون أيام الواحد يوقف طابور عشان يحصل طاولة ؟؟؟
تحولت 15 باوند وجبة حتى الأشباع و وينكم يا رواد دجاج تكا الشامية من اخوانا المصريين
وخالقي من وراء قصدي