من المظاهر اللي ما تعرف لها تفسير أذا شفت الخليجيين حاملين كياس كثيرة ومشتروات من ديور ولوي فيتون وروبرتو كافالي وأشهر الماركات وبالأخير تلاقيهم يركضون على محطة الأندر قراوند أو الباص ,,,, مش معقول اللي يدفع هذة المبالغ في تبضع لا يستطيع دفع 50 يورو في تاكسي ,,,,,؟؟؟؟ أو يكون ماكدونالد والوجبات السريعة وجباتهم بالسفر ,,,,,
طيب ما عشناه وعرفانه السفر للراحة مش للبهذلة ....
هذة الظاهرة غريبة ما لها تفسير شاري ب 1000 أو 3000 يورو وتركض على الباص ؟؟؟
و على قولة الكويتيين
كله من كيسك يا بوبرجس ؟؟؟
إيه والله يرحم زمانج يا باريس يوم كان الشانزليزية يعرف أصحابه وكان مجمع الأوبرا له ناسه مش الحين يخوزرون ويحشون ويركضون على الباص ؟؟؟؟؟
على طاري الأوبرا من أكثر الناس اللي كنت أشوفهم يتسوقون فيه بدون حساب واصادفهم بمطار ديغول يشترون من السوق الحر من بوم مارسيه إلي شانيل الممثلة المصرية نادية الجندي ؟؟؟
و راحت أيام بمبه كشر ويات أيام ,,,,, وتحسر ؟؟؟
وخالقي من وراء قصدي ؟؟؟؟
السبت، 2 أغسطس 2008
الاشتراك في:
تعليقات الرسالة (Atom)
هناك 5 تعليقات:
:)
بالضبط هذول الكويتيين،، الكرم فيهم والبذخ على المشتهى
يعني ممكن يخسر 4000 باوند في كازينو فكتوريا واهو يضحك
بس اذا طلع عنده 150 باوند وزن زايد بالمطار طلعت عيونه
وقام يزبد على خلق الله ويدور الي ياخذ جناطه معاه
لوول والله زمان يا بمبه كشر، وامانا ايها القمر المطل
p:
solaiman
بالفعل يا أخوي يعني سرهم غريب !!
لا وفيه منهم يطالعك من طرف عين جنه صج عايش الدور ؟؟؟
لووووول
حده عجبني الموضوع ..
أول شي
خـالـتـي ولـهـت عـلـيـج وااايــد
المفروض انج تعودتي على هالمنظر خلاص صارت عندج مناعه
وااايد غريبين تلقى الواحد كل لبسه ماركات من نظارته لي جوتيه وانتو بكرامه ، وبإيده مو أقل من 3 أكياس من أكبر الماركات وسعرهم مو أقل من 3000 باوند وشايلهم و حالته حاله من محطه لي محطه بالباص عشان يوصل الموتيل ولا الفندق الطايح حظ اللي ساكن فيه يعني يبي يوفر و على قولتهم الفندق بس للنوم شاللي حادك حط فلوسك بالشمس و اقعد بالضلال عندك تشتري كل هذا و تبخل على نفسك 15 باوند حق تاكسي ولا يصير ريوقه و غداه و عشاه ماكدونالد وين قاعدين سجن معتقل نفس الأكل كل يوم ليش يا مال الفقر يعني أوفر..
و طايحين لنا بسالفه جديده يقولون الباص ستايل أصلاً اللي يركبون الباص عمليين و ستايل شكو الموضه والستايل بالسالفه بيوصلكم ولا بتلبسونه انتو..
وأنا عن نفسي شنو لزمة السفر إذ ما دللت نفسك يعني فندق راقي و مريح وتحس فيه بأمان و تدلل نفسك تاكل كل ما لذ وطاب و ما تقصر على نفسك أهم شي عندي الأكل يكون لذيذو تناااااااام مو نقعد من الصبح الساعه 7 لووول .
أنااشووف ان هذا سيفوه وهذي خلاجينه من سنيين و ماراح يتغيرون
لوووول
حده عجبني الموضوع ..
أول شي
خـالـتـي حـدي ولـهـت عـلـيـج ....
المفروض تكونين خلاص تعودتي على هالمناظر و صار عندج مناعه ضدها
أدري انها تضحك بس شنسوي فيهم
استغرب من انك تشوفهم لابسين ماركات من نظارتهم ولا كبابيسهم ولا شيالهم لما وانتوا بكرامه جواتيهم ..
و ماسكين مو أقل من 3 أكياس من أكبر الماركات وما يقل سعرهم عن 3000 باوند و تلقاهم يسحبون بعمرهم من محطه لي محطه عشان يوصلون موتيلاتهم اللي بالدواعيس ولا فنادقهم ليش هالبهذله حط فوسك بالشمس و اقعد بالضلال ..
عندك تشتري بآلاف ما عندك 15 باوند حق تاكسي اشدعوه ولا الوجبات الثلاث من ريوق لما العشا ماكدونالد كل يوم ليش كله وجبات سريعه يعني مسوين فيها أوفر يامال الفقر ..
أنا بالنسبه لي احس ان شنو لزمة السفر إذا ما دللت نفسك و استمتعت مرفهه أشتري كل االي أبيه و ما اخلي بخاطري شي بس الأهم إني اكون بفندق راقي مريح و أحس فيه بأمان و آكل أكل لذيذ وأناااام وأرتاح مو أفزع من صباح الله خير الساعه 7 الصبح :)
وهذا كله على حساب خالتي الله يعافيها و يخليها لنا :)
تحسفت إني ما رحت معاج لو عندي إجازة كان حجزت و من باجر بس ملحوقه السنه الجايه انشالله
dalal
يا حمااااااااااره ولهت عليج وايد يا بعد خالتج أنتي ,,, آخر صيفية وأنتي مو معاي ,,؟؟؟
اتهقين ظالمتهم وإلا بالصج البهذلة مالها داعي ؟؟؟
أول امس دلول كنت الساعة 7 بمنتوبليانو أم راكان وخالج أحمد طلبتلهم طبقج ؟؟؟
وآخر شئ تذكرت يوم باقوج بالكافيه ما عطيتهم بخشيش أعناد !!
آها اللي يقعدون الساعة 7 جنك تقصديني يا حماره لا الحين الساعة 8
يا عيون خالتج لندن ولا ابيزه وانتي مو فيها !!
تعالي واكسر الفرمانات القديمة ؟؟
أشتقت لج وااااااااااااااااايد
إرسال تعليق