أشكالية السفر

صباح الخير

صباح باريسي لبوراشد و ولد الديرة وفريج سعود ومحسد مهندسنا والغالية بس وللجميع

أول ليلة سفر وتصحى الساعة 7 الصبح تكون عندك أشكالية ,,,
الأشكالية الأولى ؟؟
تعرفون تعويذة الحكومة عندنا منو أطلعت ,,, ما تصدقون الوزيرة موضي الحمود ؟؟؟؟
أمس بالطيارة الوزيرة قاعدة يمي الوزيرة راح تنزل لندن وانا أكمل طريقي باريس ,,, بيني وبينكم حشيت فيها بسري لين قلت يا بس ؟؟
دار بينا حديث قصير ,,, وبعدين الوزيرة نامت ,,, وانا ما أعرف أنام بالطيارة والمشكلة ما أقدر لأني كل ساعة لازم أقوم أمشي عشان ريولي وظهري ,,, المهم وصلنا مطار هيثرو بسم الله عليكم وإلا أشوف الوزيرة صارت كازبر يا جماعة تركض عشان توصل الكيو قبل الزحمة أشدعوة ,, عقب حشي فيها رحت أركب الطيارة حق باريس صارت رحلتي لندن الفلوجة مش لندن باريس عطله وعمات عين وتعب على ما وصلت باريس وإلا والله حسيت أني خلاص ما راح أقدر اتحرك من تعب ظهري وريولي ,, وكله من الحش بموضي الحمود
و من اليوم موضي الحمود قدس الله سرها ؟؟؟
الأشكالية الثانية ؟؟؟؟؟؟
عاد هذة وايد اكبر ؟؟
وصلت الأوتيل وانا عند الريسبشن أعمل أجراءاتي سمعت أحد يناديني ,, شئ طبيعي قبل لا ألتفت أشوف سبيت بقلبي سلال من اللي يناديني ألتفت وإلا هذة لطيفة ؟؟؟؟ بنت ولد عمي أبوي الصغيرة ناديتها سألتها أنتي اشعندك اهني ردك ساكنين بالفندق ,, وإلا أم لطيفة يتني هلا فلانة شلونكم هلا والله متى وصلتي ,, وانا بقلبي أقول العن ابو حظي وإلا يا جماعة ولد عم أبوي تارك بيته هناك جم يوم وساكن بالأوتيل اللي آنا فيه ,,, و واويح حظي ومره ثانية الصيف ما إلك إلا جامايكا عشان ما تشوف أحد ..
الأشكالية الثالثة ؟؟؟
وانا داخله غرفتي شوي وإلا اتصالات من اهيني وهناك وإلا الأتصال الأقشر من أم راكان تقرب لجدتي من بعدين ورفيجتنا بعد وآخر عشر سنوات هي صارت قدري بالصيف ,, شلت التلفون وإلا أم راكان شلونك شخبارك يلا يلا بسرعة عازمتج على العشاء انا وأحمد زوجي رحنا نتعشى وإلا أم راكان ميمعتلي الكويت كلها على الطاولة قعدت ساعة واتصال من فلانة وفلان على تلفون أم راكان وحق الكل تقولهم إيه هذيان وصلت وتعطيني السماعة واسلم والكل يتحمد بالسلامة على فترة تعبي اللي فاتت ويعزم ,, ؟؟؟ يعني لا طبنا وغذا شرنا ؟؟
رجعت الأوتيل و الظاهر أن حريتي بس راح تكون بغرفتي بالأوتيل ,,, قعدت شوي وإلا باب غرفتي يطق ,, فتحت الباب أم راكان ساكنه بنفس فندقي ,,,؟؟؟
الأشكالية الرابعة والأخيرة والمهمة ؟؟
اول ما صعدت الطيارة من الكويت واقعد على الكرسي قعدت على كرسيي و يات موضي الحمود واقعد على كرسيها قالتلي مرحبا رديت سألتني اهو كويتية قلتلها إيه والله ردت ما ادري والله عبالي مو كويتية شكلت مو كويتية عاد انا ناطرتها قلت إذا قالتلي مغربية بطقها المهم رديت يبا كويتية ومو مهجنه ردت قالتلي حسبتك لبنانية أو فلسطينية رديت عليها بطنازة أصلي تربيت على قضية فلسطين ويوم الأرض وأحب وليد جنبلاط اظاهر انزموني ؟؟؟؟
بس أكتشفت أني كويتية بس حظي قرزعي ...؟؟
قرزعي نسبة إلي قرازعه
القرازعه نقولها يا أهل الكويت حق عيال أمس واليوم واللي عبالهم ,,,,,,,
والحين يلا عاد بقوم انحاش من الكل