يوم الخميس مسافرة باريس _ لندن ,,, اشكثر راح أطول ما أدري ,,, على حسب مزاجي يمكن أسبوعين ويمكن أقل ويمكن أكثر ؟؟؟
ما كنت ناوية آخذ كمبيوتر معاي أول شئ لأن لو فيه شئ ضروري بشغلي على ما يبعثلك المندوب المصري والسوري أيميل تكون يمديك رجعت ,,, يعني بيتصلون علي لو فيه شئ ضروري وبعدين شغل بالكمبيوتر ما يبرد الجبد مع مندوبك لوكان مصري وإلا سوري لأن لازم راح تلاقي أخطاء منهم ,, فالأيميل ما يوصل المسبه عدل ؟؟؟؟ ... وثانيآ كنت أبي ابعد عن كل شئ أخبار وتحلطم الديرة ؟؟؟
ولكن شكلي هونت وباخذ الكمبيوتر ,,, شلون اذا ولهت على تعليقات بوراشد واسلوب ولد الديرة الحاد وأفشات فريج سعود ومهندسنا واشعار محسد وكل الربع ,,, (( ما نسيت بس ,, لأنه بيني وبينها تلفونات )) ؟؟
تهقون منو فيكم يذكرني في باريس ومين لندن ؟؟؟
باريس أذآ ذكرتها لازم تذكر برج أيفل ,, برج أيفل يذكرك بولد الديرة وفريج سعود وعاجل ,,, بالنسبة لي برج إيفل جميل لكن يعور ليش يعور ,, يطري علي أيام أول كان عمري 16 سنة أو أقل كنت عند برج أيفل طبعآ اللي يروح برج ايفل يوم أحد ما عليه شرهه كويتي فكن هناك وإلا فيه الجماعة ربع السياكل والبنطلون الجلد والشعر اللي أطول من شعري ,, ضحكت وتطنزت على واحد فيهم شوي وإلا يفلعني ابطل كان بايده,,,, غرزتين برأسي ,,, وتم برج أيفل في بالي جميل بس يعور ,,, ولد الديرة وفريج سعود وعاجل رائعين رغم أنهم يفلعون ساعات ,,,
لندن عشقي وملاذي ,,, لندن بالنسبة لي أجمل البلدان لفيت ودرت بالعالم كله تبقى بالنسبة لي لندن تسوى سردينيا وكان وفيينا وفينيسيا وباريس وواشنطن دي سي ,,,, !! لندن راح تذكرني في بوراشد و محسد فتى الجبل لندن البساطة والرقي في وقت واحد ولكنها بعد راح تكون موجعه ,,, فالذكريات تتجدد منذ وصولي إلي هيثرو إلي البارك لين مرورآ في كل شارع بلندن ,, بالرغم أن الذكريات ليست كلها سعيدة لكني أحن إليها وهذا اللي يجعلني اهرب مرتين أو ثلاثة مرات بالسنة إلي لندن
وعند بس الخبر اليقين !!
راح أشتاق لكم ,,,
هناك 14 تعليقًا:
تصدقين
اول مرة شفت برج ايفل بغيت اقول من صجكم
هذا برج ايفل
يالله عاااااااااااد
وين الكاميرا الخفية طلعوها
انزين يالله خل نروح حق البرج الصجي
يا ولد هذا البرج
صدقنا هذا هو
يلوع الجبد
حديد مكود جنه حداد ايراني مسويه
عموما بالسلامة
نبي العادة
ككاو بو لحم ما يبيله
الله يحفظج ويسمح دروبج
وبوصيج على شغله
يقولون في حبه صغيره
هذي الله يسلمج توها طالعه
يقولج اول ما تبلعها في شغله
بالراس اسمها قندره
هذي تعطي مفعول لمدة 10 ثواني وربع
لصاحب القندره يراجع نفسه
يصير انعال
مابي وايد بس مليار حبه
P:
ديري بالج على نفسج يا اخيتي
وكثر ماتقدرين استانسي وقطي
الهم ورى ظهرج
خدا حافز
هههههههههههههههه
الحين احنا نفلع ؟
يمكن بس ما نوصلها لي الغرز
شوفي انا مؤمن بالمثل الي يقول
اخر الدواء الفلع
وساعات هم ما يفيد
ولد الديرة
صاج والله كان حديد مكود ويرممون فيه جنه المقاول ماله منحاش ,,؟؟
بس عليك الله بأي سنة رحت الليدو !!!
الله يسلم
بس كاكاو فليك فيه أنواع ثانية
ابشر ماطلبت شئ
جم كرتون تبي
بوراشد
الله يسلمك ويخليك يا الغالي
الله كريم والله يابوراشد ماكو تغيير روتين نفس الكويت
تامرني على شئ عليك الله اي شئ تامر فيه تبعثلي ايميل
هلا فريج سعود
يعني ساعات تفلعون ,,, شوف حظي أنا بالفلع كله غرز ,,
في باريس غرز ,,, مره في جنيف تطنزت على أم واحد اماراتي تعرف زمان اول الأماراتيات في جنيف جنهم علبة ماكنتوش يلبسون احمر أخضر اصفر ألخ صادني ولدها فلعني صوب هليتون نوجا اول والحين أنا وهو ربع حيل
تموووووون يا فريج سعود
تروحين وتردين بالسلامة
استانسي كثر ما تقدرين
ولا تفكرين باي شغلة
محسد
الله يسلمك ويخليك
اتمنى ذلك وسأسعى اليه
هذيان
ولا مرة :)
and I mean it
اتروحين واتردين بالسلامه
وتذكريني لما توصلين مطار الكويت :)
ولد الديرة
معقووووووووول
اول طافك الحين ولا ابيزه
مهندسنا
الله يسلمك
مطار الكويت افااا عليك ما طلبت شئ
ترجعين بالسلامه
وخلينا نتمتع أهنيه بالحر
:((
ابوبندر
الله يسلمك يا اخوي
إرسال تعليق