ترا الحــقيقة حــقيقة ما عليها جدال

اكتسبـت التجـارب مـن سفـر وارتحـال
واستفـدت التعامـل مـع فطـيـنٍ وثــور
كـلٍ يلاحـظ ليـا منَـه قـرالـه مـقـال
سرَ المعاني/ تبيَن مـن خـلال السطـور!!
تـرا الحقيقـة حقيقـة ماعليـهـا جــدال
((تبقى النوايف نوايف .. والجحـور الجحـور))
احدٍ يـروم العُـلا واحـدٍ عليهـا استطـال
وحـدٍ مكـث فوقهـا وحـدٍ ترجَـل حـدور
ماكـل ما يشتهـى المخلـوق يالعبـد نــال
ولا كـل ما نالـه ايـدوم ابطـوال العصـور
لا تبنـي أدوار والسيَسـان فيهـا اخـتـلال
تنَهد مـن فـوق راسـك دور/ يتلـوه/ دور
اتعب على الساس والبنيان صعـب الـزوال
كالنَقش فوق الصخر.. يا صعب مسح الصخور
وإليا درست العلوم وشفت صعب السؤال !؟!
مع حكمْتك يلزمك تاخـذ مـن القـوم شـور
لا شك فيه اختـلاف وفـرق بيـن الرجـــال
بالفعل والعـزم والهمَـه وصـدق الشعـور
هذي تماثيـل مـن قلـبٍ بـه الهـمَ صـال
صال ثـم جـال وحـام ابداخلـه كالطيـور