عين على واشنطن

1- ما أدري شنو راح يعمل أوباما للأقتصاد

هل راح يعوض خسارتنا بصناديقنا السيادية ؟؟

وإلا راح يفتح تحقيقات باللعب اللي صار في بنوك أمريكا ويرجع الفلوس اللي راحت لليهود تحت مسمى أزمة رهن عقاري

عيل ربعنا أشفيهم شادين حيلهم وايد أوباما راح يحل مشكلة العالم الأقتصادية !!

وشلون صاروا الجمهوريين اليوم مو زينين مع العلم أفضل أستثمار كان بإمريكا سنة 92 بعد حكم بوش الأب بس ربعنا خلاص لا كرهوا الواحد دوروا له عذاريب ,,!!

2- بحكم كلينتون والديمقراطيين ما أذكر أنه شفنا شئ من الديمقراطيين إلا القوات الأمريكية تذهب للخليج والقوات الأمريكية ترجع من الخليج وصدام ينضرب وصدام خرق المجال الجوي والمدمرة كول أوصلت للمياة الأقليمية وأحنا حالتنا بس يو الطواويش وإلا دعهم يعودوا سالمين ,,, نفسي أعرف اللي قالوا أوباما واهم يقولون أن السياسة الأمريكية متشابه عيل أشعندهم مع أوباما اذبحونا فيه ؟؟؟

3-الجمهوريين اليوم الله يهداهم ضربهم غباء بتضييع وقتهم في الحملة الأنتخابية على بنسلفانيا اللي راحت لأوباما ذكرتني بمنطقة الضاحية بأنتخابات 2006 يوم الحريم سقطت عبدالوهاب الهارون رئيس لجنة المرأة بالمجلس ونجحت المطير اللي صوت ضد المرأة !!

4-جني أشوف أوبي بعد 4 أشهر من تسلمه للرئاسة الأمريكية عافر في فلسطين ومرجع العرب للمؤتمرات في مدريد يومها أشوف اللي كانوا يبون أوباما ينتقدونه !!

5-والله ورا تقطعون فينا يا الجمهوريين وانشالله نشوف جمهوري بالبيت الأبيض بعد 4 سنوات ,,

6-بوراشد , فهد العسكر , موك نبارك لكم فوز أوباما ,,

7- دلال مبروك أوباما يا بنسلفانيا

وأخيرآ

(( الشكوى لله ))