عيب

مجلس الوزراء : لا وقف للتداول ,,,, فالبورصة ليست دكانآ
يا سلام ,,,, وشنو حصل في البورصة في اليومين اللي طافوا ,, لا يكون صج البورصة تأثرت بالأزمة الأمريكية ,,, لما يستغل موضوع أمريكا من كبار البورصة ويلعب يا حكومة وأنت تباصين له شنو يكون ,,, لما نص لجنة السوق مع وزير التجارة والمالية يعرفون القمندة ومشاركين شنو يكون ,,, أقول من الآخر شيلوا الفلاح ومحافظ البنك المركزي لأن يا حكومة من نوى يشيلهم راح يشيلهم ولا راح يرد عليك ,,, السعودية من فترة أوقفت التداول لما شافت لعب في البورصة ,,, أمس البرازيل وروسيا وقفوا التداول لما شافوا المؤشر ينهار ,,, واليوم البورصة مو دكان ,,, الناس مالهم ذنب إلا الحكومة مالها قرار ,,, عيب والله عيب
لا صار البيع وهمي والحكومة تدري وتطبل البورصة شنو بتكون ,,,

***

من أمس أذبحونا بنكين وبنكين كويتين طلبا حمايتهما والمشكلة النفي ليش يا بابا ,,, عيل منو اللي أستثمر في بنك ليمان براذرز بصناديق أستثمار مبدئي وفلس البنك بعدها ,,,, والبنكين الكويتيين قاعدين يحاولون يعملون تسوية ومش قادرين ,,, وبعد ينكرون !!

***

وزير المالية يصرح ويقول نسبة تأثر السوق أقل من دول الجوار ؟؟؟
بس السوق الأماراتي تأثر بشكل مباشر من أزمة الرهن العقاري ,,, أنت شكو وسوقك شكو يتأثر أنت عندك رهون عقارية معتمد عليها سوق دبي أنت حتى قرقور ما عندك بسوقك ,,, ليمتى هذا الجذب والجمبزة فيك خير صرح قول أستثماراتنا في بنك ميريل لينش وبنك ستانلي شنو مصيرهم ,,,, روح زين ,,

***
محافظ البنك المركزي جم بنك قاعد يلعب إلا راح يشولونك يبون يفتحون باب القروض في بنوكهم عشان يغطون خسارة أستثمارهم بأمريكا وأوربا ,,,

***

اللي قاعد يصير في البورصة عيب يصير في بلد قانون ,,, 4 أشخاص مو رادين على الديرة باللي فيها ,, لا يحكمهم قانون ولا شئ ,, والحين منو الدكان يا حكومة ,,,