ما فيه حل إلا ناخذ هريسنا ويريشنا وعيشنا انديا جيت وأسباغتي باقر ونروح الريف الأنجليزي انرمض هناك ,,!!
(( يا الله جيرنا من عذابك ,,, يوم تبعث عبادك )) قاعدين والتكييف شغال وميتين من الحر ,, يا رب تجيرنا من جهنم !!
***
بما أني توني قمت اشوف احتياجات بيتي والفترة اللي كنت تعبانه كانوا السواق اللي يقضون أحتياجات البيت ,,, طلعت اليوم العصر مركز سلطان ,, يا جماعة بالجد الأسعار مرتفعه أكثر من الضعف ,,, طيب وين حماعة المستهلك وين وزارة التجارة وين مراقبة الأسعار ,,, مقولة الأسعار أرتفعت عالميآ هذا حجي فاضي ,,, الأسعار بالعالم أرتفعت بس مش مثل الكويت !! طيب والناس هذة اللي عايشه على رواتبها شلون راح تعيش بالخمسين الزيادة وإلا بالمية وعشرين ,,,, !!
وبعدين كل شئ غلا إلا هالناس ,,,!!
أقول روحوا يا التجار دربكم خضر !!
***
قناة سكوب واللي ما يشتري يتفرج !!
يعد ما طلعت الأوادم حرامية وصايعين وفاصخين ,,, اشبقى ؟؟
ما اتابعها بالمره ,, بس تبي اتعرف ملامح مسلسلاتها من سوالف اليهال ,,,!!
اشبقى ,,,
الله يرحم ايامنا ,,, عايشين على
علي علي بطل فليب ,, هيا طير يا غراند ايزر
و بركاتك يا سكوب !!
***
أعتقد اليوم الثاني لرمضان بانت أعصاب اللي يدخنون ,,!
على باب جمعية الشويخ حاطين اعلان ممنوع بيع السجاير لأقل من 21 سنة
يا عمي ,,, وراكم ما حطيتوا هالأعلانات من زمان توكم ,,, أقول
تحملوا الأعصاب !!
هناك 8 تعليقات:
حماية المستهلك شاطرين بس على اللي يبدلون التوانكي و الستلايتات
و الزقارة مكانها فاضي .. خصوصا بالدوام :)
سيكرت
حماية المستهلك يحمون الكل إلا المستهلك بدال لا يحمونه يهلكونه !!
أما زقاره اهل الدوام يا اخيتك ما مروا علي ,,!!
ليش مسموح التدخين بالدوام !!
أذا مسموح ,,,,!!
:))
حماية المستهلك انا جربتم في شغلة وحده لما وديت لابتوبي للغانم يصلحون الشاشة المكسورة قعد عندهم شهرين وكل اسبوع يقولون الاسبوع الجاي .. دقيت على حماية المستهلك بعدها بيومين دقوا علي الغانم وقالوا تعال استلم اللابتوب :)
-----
بالنسبة للزقارة تصدقين في جمعيات ماتبيع زقاير :) وجمعيات اللوحه لما دون 21 مجوده من زمان بس محد يراعيها
وياحلاة الزقار ة على ارتفاع 33 الف قدم :)
اي والله رمضان بالبرد وايد احلى .. كان صج شعور .. :)
الاسعار وارتفاعها شي ماله حل .. مع الاسف ..
المدخنين يصيرون على اعصابهم برمضان ..
الله كريم
مشعاب
أشك بحماية المستهلك
فلن تتجرأ على التجار
جنه الزقاره ممنوعه في الطيارة
أي طيران اللي يسمح وهو على ارتفاع 30 الف ميل
molok
إيه عيل بعد سنتين شنو راح نعمل
الله يساعدنا
المدخنين على أعصابهم بس
جان زين !!
هذيان وهل يخفى القمر :)
الطائر الازرق :)
بعدين ثلاثين الف ميل هذي ابعد من مسافة القمر اتوقع :)
وبالنسبة لجماية المستهلك انا كنت غاسل ايدي من لابتوب لو ما الوالد اهو اليي قالي روح لي حماية المستهلك :)
مشعاب
الطائر الأزرق يا اخيتك ما طرت عليه من 5 سنوات وأكثر
نسيته يا أخوي
اما تحويل القدم إلي ميل فهذا تاثير الصيام
اسمحلنا يا اخيتك
إرسال تعليق