مليون كويتي وما يعرفون يتصافون ؟؟

أمس واقفين متظاهرين للبوند ستريت مقابل محل أسكادا ورافعين لوحات عليها صور فئران ولأني كنت بمحل اسكادا وسمعت الصوت دفعت بسرعة وطلعت اشوف شنو السالفة بلاغة شف ؟؟؟
الجماعة متظاهرين ضد قتل الفئران والجرذان اللي أسكادا تستخدم جلودهم في صناعتها ,,,, الله أكبر يعني اللي يلبس اسكادا صار فار ,, أفااااا ,,,, رحتا بعدها كافيه جوش واحنا قاعدين اتصلت أختي من الكويت على طول قلتلها شريتلك جنطة أسكادا وتقولي أختي ليش لا تكلفين على حالج وأرد أقول لها لأ ما فيه كلافة تستاهلين ,,,
يا عرب يتظاهرون ضد قتل الفيران والجرذان وأنا كل يوم أصحى على مسج حملة ترشيد من الكويت ,,, حتى بلندن يبونه نطفى الكهرباء ليش يبا
وللفئران ناس تهتم بها ولنا الله ,,,؟؟؟
***
وأنا اتكلم مع انتر كويت بالتلفون عن موضوع حسين الفضالة ,,, أنتر خوش ولد عصبي بس قلبه نظيف وكويتي دمه يحترق على الكويت قلتله يا أنتر العله أنك اذا تكلمت عن أيران أو حزب الله تكون من المغضوبين عليهم حتى للأسف من بعض الكويتيين اوالذين يرون أن المذهب الشيعي هو أيران وأن ولايه الفقيه رساله سماوية ,,, يا جماعة الخميني هو من نصب نفسه ولي سألوا نفسكم الله سبحانه عندما جعل الدين الأسلامي خاتم الأديان جعل نبينا محمد عليه افضل الصلاة والسلام رسول ينشر الدعوة وهو أشرف الخلق يا ليت من يدافع ويستميت عن ولاية الفقيه سمعنا له صوت بالدفاع عن رسول الله ,,,,وبعدين الحسين رضي الله عنه توفى في كربلاء يعني كان بعدها النجف مركز العلم وفقه الشيعي شنو جاب ولايه الفقيه عند الخميني ,,,,, ؟؟
الأشكالية فيه سؤال محد يقدر يواجهه نفسه وغيره فيه اللي عنده أشكالية أختلاف مذهب أم اختلاف أعراق واهنيه الكارثة ؟؟؟؟
حسين الفضالة مواطن كويتي سني أو شيعي مسأله هامشية الأهم أنه كويتي ولأنه كويتي يؤلمنا أختطافه من إيران ولأنكم أنتوا كويتيين أكيد أكيد تتالمون على ولد ديرتكم ,,,
لعنبو داركم كلكم على بعضكم مليون مواطن حبوا بعضكم عدل حبوا الكويت صح مو بالمهايط والحجي بس !!!