متأسفة كثير بالغلط التعليقات انمسحت بدل لا تنزل عالمدونة ,,, الظاهر شور الشمالي علينا
متأسفة كثير على هالخطأ الغير مقصود ,,,,
******
الهيئة العامة للأستثمار ما بين سوء أدارة أحتياطي الأجيال القادمة وأستغلال الفوائض النفطية ,,, يا قلبي لا تحزن !!!
أستثمار 64 مليار دولار في الدول العربية ,,, و دور بيها يا الشمالي !!!
.jpg)
زيادة رأسمال المجموعة العقارية الكويتية بأكثر من 43 مليون دينار كويتي بتوقيع أمين السر ,,,, يا بلاش !!!
جيل قادم ما زال لم يستوعب موضوع أحتياطيه ؟؟؟؟؟
وجيل آخر أصيب بأنهيار بعد سماعه خبر نهب الأجيال القادمة !!!
والمشكلة كل ما طالبنا الحكومة بشئ ,,, قالت نحن نحافظ على أموال أحتياطي الأجيال القادمة !!!
انزين واحنا الفريق الأساسي محد يباشرنا !!
هناك 14 تعليقًا:
يسلم راسج يفداج التعليق وراعيه
:))))))))))))))
انا كنت قاعد اقول يبيلنا جهاز
نفس اللي يصيد الذبان بس بدل
السلك الازرق نحط ختم البنك المركزي
تهقين شراح يصيد
والشمالي باع كوته
P:
بوراشد
عسى عمرك سالم يا الغالي
تدري شنو بصيد
و زززززززززززززززززززززززززززززز
من اهني لي عبدان
و عد وخلي
شيلمهن
و كوتنا عسى ما باعه الشمالي بعد
:))))
حبينا ندحرج التماسي :)اشلونج ؟
بوتشخيص
مرحبا باللي حضر بوتشخيص حضر
هلا والله شلونك أنت ,, طولت علينا
انا بخير الله يسلمك ,, أنت شخبارك
لو يستثمرون بقهاوي الكويت واايد احسن
فريج سعود
بصراحه خوووووووش اقتراح لازم مجلس الأمة يتحرك بهذا الأتجاه ,,,
اشوف جنه صارلج مده
سافطه عند دوار الشمالي
اخاف حاطينلج كابح
اقري المعوذات ونفثي على اي سندويشة
حلوم حواليج وادعيلي
P:
هذا دواج وعلى الله شفاج
مع تحيات مركز البحوث للقطارات الوكيحه
هلا بوراشد
وأنت صاج جني شرقت بدرابيل الشمالي وخنست بعدها ,,,
انجرب دواك جود مركز قطاراتك ينفع بعلاج نفس الشمالي
:))))
ليش ما يخلون الاحياطي عندي امانة؟؟
عاجل
تستاهل والله يحطون احتياطي أجيال الأجيال عندك ,,,
بس واللي يسلمك عطنا أجيال عيالنا مقدم هالديرة بعد 3 أشهر ما تعرف قراراتها يمكن يلغونه وعيالنا ما يحصلون احتياطيهم !!
شيلنا ونشيلك مش غلط
من طول الغيبات
عسى المانع خير
؟؟؟؟؟؟؟؟؟؟؟؟؟؟؟؟؟
هلا و غلا بوراشد
ابشر بالغنايم اللي تبيها
مامن شر يا اخوي بس هالأيام عندي شغل الصبح ارجع الظهر كاهه روحي من هالجو وما أدري عن شئ
تسلم يا الغالي
العزيزة هذيان
كيف الحال يالغالية
:)
اشلونك وشخبارك...وشلون العلاج معاك...ملتزمة أو لا
اذا مو ملتزمة ترى بزعل منك
وشخبار بنتك دلال..عساها بخير الحين
بالنسبة لاحتياطي الاجيال...فالهيئة بكبرها دام ماسكها السيد السعد فانا مو مرتاح كلش
وتحياتي لك يالغالية
شقران
هلا والله بوراكان شلونك شلون ركوني
أنا الحمد لله بخير وماشيه بالعلاج وبفضل من ربي احسن كثير ,,, ودلول زينه الحمدلله
اما الهيئة الظاهر آخرتها بتستغني عن الأحتياطي كله
الشكوى لله يا أخيتك
إرسال تعليق