تصحر الجزيرة وأمطار ال CNN ومهايط جرايدنا

أذا بديت صباحك الساعة 7.5 وأنت تتنقل بين الجزيرة وال CNN تسمع الأخبار راح تكتشف العله اللي نعانيها عندنا ,,,,
تتابع على ال CNN الأخبار تلاقي سياسة الهون أبرك ما يكون ,,, المذيع يلقي النشرة و وجهه مبتسم و هو يتنقلك من خبر البرلمان اليوناني وموافقته على معاهدة لشبونه إلي الصين و زلزالها ,,, إلي مؤتمر باريس لأعادة أعمار أفغانستان ,,,, وينتقلك مع مراسلبينه وييه تجيب العافيه من الصبح و جو خلفيته مش برتقالي من الطوز والغبار ,,,
وأذا حطيته على الجزيرة نبض الشارع العربي اللي يفرمل من تصحر العقل ,, شنو تشوف ,,, الطائرة السودانية اللي طاحت من يومين وألف قصة وراها ألفتها قناة الجزيرة ,,, حكومة لبنان ويا طلابه لبنان ,, و رايس هالمقرودة اللي مو تاركينها لحالها ,,, والبرلمان الكويتي وسوالف وقصص ما جنه برلمانه وأنعرف سوالفه ,,, وأن تنقلوا بين مراسلينهم ,, بس تعرف صباحك شلون صاير ,, وييه تجيب العله والخلفية اللي ورا مراسلينهم تجيب المرض ,,,,,
وأذا تبي الأحباط كمل عقبه قرايت جرايدنا شنو تشوف مجلس أمة وحكومة وعوامل التعرية كلها مصاحبتهم ,,, حجي ماخوذ خيره ,,, وييه التصحر عافها والطوز أثاره عليها ,,, والتصاريح لواهيب الساعة وحده الظهر والكهرباء مقطوعه يعني من غير تكييف يبرد على جبدك واللي يحر بعد الموقه اللي على غير معنى ,,, حكومتنا ومجلسنا شايفين حالهم مدري ليش ,,, على التنمية اللي غطت على الديرة ,, على أنجازاتنا اللي تهون علينا الطوز ,,, !!!!!
كله يهون ولا ممثلين الأمة عندنا ما يهون عليهم الشعب يركد ويرتاح زود على لواهيب الجو ,, لازم يشعللونها وثلاثة أرباعهم أزقمبيه مع مرتبة مهايطيه ,,,
عاد لواهيب و طوز و عفرته وعياره ,,, ما إلك إلا وييه ماحاشها عوامل التصحر والطوز !!!!!!!