كلمات وخذت

اليوم الساعة 2,5 الظهر دلال أدخلت شقتي ما لقتني بالصالة قاعده مجابله الكمبيوتر أفتحت غرفة النوم لقتني نايمة حسيت فيها نامت يمي وبعدين صحتني قامت تهذروتحقق معاي,,,,,, أول شئ أنتي ليش قفلتي مدونتج وبعدين ,,وبعدين أشفيج نايمة الظهر أنتي مش من عاتج تنامين وبلشت هذره على راسي وآخرتها قالتلي وهي معصبه أنتي مش ملاحظه أنج من زمان ما طلعتي معاي ,,, تصدقون من زمان ما طلعت معاها,,, والمشكلة حتى المطعم اللي كنت أوديها له مافيه أحد إلا أنا واهي مطعم سكوير اللي صوب الكنيسة وسكوير بعد مغلقه من زمان ,,, ما إلك إلا الطربوش بالشيرتون بالأيام العادية هادي مافيه أحد غير أنا وبنتي واللي يطق عود (( سيد مكاوي )) ,, لا وأذا رحت المطعم الإيراني بالأيام العادية هناك امسكوك عبالهم تحضر تأبين ,,,,,,

***

محسد عاجل وياسر الغسلان أشكركم على ما تفضلتم به ,,, والله يومين المدونة مغلقة أحس براحة ,, على الأقل جم يوم أرتاح ,,,
عاجل والله خاطرك كبير حيل ويشهد الله حز بنفسي أني ما فتحت المدونه على طول بعد كلمتك لكن جم يوم راحة من ضجيج التدوين ,, وألتفت لشغلي شوي ,, ومتواصله معاكم وبعدها ابشر والله ,,,
***
هذا رابع بوست أكتبه وانزله ويختفي ,,, كنت كاتبه بوست طويل وكل ما نزلته يختفي ,,, بطلت اليوم راح أكتفي باللي كتبته يا جماعه وقف عقلي بغيت أتصل على صالح السعيد يسجلي مقطع
كلمات وخذت
***
أستمتعوا بالويد إند
وأن ما نزل البوست راح تلاقوني الليلة مع صالح السعيد أبجي وأقول كلمات وخذت
أوعوا هذي كلمات ,, ديرة هذيان ,,,,,!!!