تم رفض أقتراح زيادة الرواتب خمسين دينار للجميع دون تحديد سقف الراتب ,,, وتم تصويت 30 عضو مجلس أمة مع الزيادة و 33 ضد الزيادة ,,,,, يعني 20 عضو أمة أرفضوا المقترح ,,, خلوا بالكم يا الشعب هذا مجلس التأزيم الجيكري وأنجازاته اللي ضد الشعب ,,, وبعدين هالعشرين عضو جيكري أرفضوا ليش شكوا ,,, المال العام موردينه من حلال أهلهم ,, نحاسه أشتبون كلها 50 دينار ومستكثرينها على الشعب ,,, أقول هاااا مالت عليكم جياكر ومو مهندين ويتمننون على الشعب ,,, وأنتوا يا الشعب شوفوا الأسماء اللي أرفضت ال 50 دينار من نوابكم عشان تعرفون مره ثانية أن المتأزمين الجياكر ما وراهم خير ,,,,!!!!****
بوعبدالمحسن أسمك من اللي صوتوا ضد زيادة الخمسين للراتب دون سقف معين ,,, اهو ليش يا حافظ ,,, تفوه عند الله السعه ,,!!!مستكثر على الكويتيين هذة الزيادة ,,, وبعدين بوعبدالمحسن اشسالفتك بهذا المجلس صاير وايد ترفع إيدك وتصوت ,, خابرتك كله ممتنع عن التصويت وإيدينك على خدك واطالع ,,, اهو رد إيدينك على خدودك مثل أول ,, جنك استانست على رفعة اليد والتصويت ,,,
هناك 14 تعليقًا:
هذيان شفيج على بوعبدالمحسن
ترى وايد ابرك من غيره
يعني صج اهو لج عليه مرات
بس منو فينا كامل غير الله سبحانه
بعدين هذي افرازات الخمس اللي لجونا
فيها ليش ما يحترمون مخرجاتها
احنا لو الله يفكنا من اللي يلبسون جواتي
بيض جان احنا بخير
P:
الا بقولج شعندج قاعده بهالحر ليش ماتغيرين جو
مو احسنلج من مجابل عوير وزوير
والحلمان واللي مافيه خير
هلا وغلا بوراشد
عبدالمحسن زين لكن أشوف هالأيام عنده طلعات طالع فيها قام يصوت وايد !!!
عاد يا أخيتك أنا ما أواطن اللي يلبسون جواتي بيض ( عزك الله ) يذكروني بقحطه ونبويه شبشب ,,,
أيه الخمس الحين صارت شينه ما ضبطت على الهوا وأنت تعرف ربعنا حمام قليبي !!
مسافره آخر يوليو عندي شغل الحين رابطني بهالحر وإلا يا أ خيتك شقعدني حلمانه فيهم :)))))))))
واي يا بختي بوراشد اليوم 3 مرات معلق عندي
يا الله زيد وبارك
:)))))))))))))))))))))))))
يقول الشاعر صقر النصافي الله يرحمه من وجهة نظري بيت ينطبق على اعضاء المجلس الحالي
إن تمرجل كيفو به.....وإن تردا عبرو به.....لو يصير لكم عقوبه..........غصة(ن)بالمبلعه
أشهد بالله أن هالمجلس غصة بالبلعوم
----
الشعب الأردني الشقيق الي وقف مع الغزو العراقي للكويت والذي أبن برلمانه الطاغيه صدام عليه من الله ما يستحق أولى بأموالنا منا
:(((
خلوا التبذير والصرف على المترديه والنطيحه ينفعكم يا حكومة باقر النحيس
هذيان؟؟؟
اتصدقين دخلت البلوق وطلعت مرتين !!
بتأكد ان هذا بلوقج ولا انا غلطان؟؟!!
طلع صح بلوقج؟؟
انا غااط من زمان وتوني رديت
ويح قلبي ماذا ارى!!
شعندج على بو محسن أول مرة !!
هذيان انا اللي اتبارك بزيارة
هالمكان الطيب تدرين ليش
لانج تكتبين وتقولين اللي بقلبج من
غير لا تنافقين ولا تجاملين وصدقيني وانا
اخوج اللي مثلج قليلين وعلى فكره
يوم تقولين رايج بعصام وغيره هذا ماقلل
من مكانتج بالعكس اثبتي انج انسانه
حره برايج وتقولين اللي تبينه من
غير مجاملات ونفاق مثل بعض الفقع اللي
طالعين هاليومين ومسوين نفسهم آلهة
السياسه وهم تيش بريش
المهم انتي انشالله تكونين طيبه وانا جم يوم وبرجع
ولهت على الجواتي البيض
P:
واذا تامرين على جم طلي ترى حاضر
وبالشوفه انتي آمري بس
:))))))))))))))))))))))))))
نهنئ النواب الحكوميين الجدد عدنان ولاري
الخرافي يا حرام اراهنج اخر مرة شاف فيها الخمسين دينار قبل 50 سنة ويمكن اكثر
ابو بندر
بعد ما خلصت الأنتخابات وصار التشكيل الحكومي ,,, اهنيه عله المجلس الأعضاء يقولونلك ما راح نعطي فرصة للتصادم ,,, طيب اترك التصادم من عدم وقضايا الشعب وين نهمل ويتلاعب بها عشان مانبي تصادم وحل مجلس
اهنيه العله !!!!
حسافتج
هلا وغلا بالقاطع
حسافتج أنت ما عرفت هذيان أذا فيه موضوع يستحق الأنتقاد والحديث فيه من غير مجامله ما تجامل أخوها فما بالك في بعبدالمحسن ,,,
حسافتج هذيان تنتقدهم بأسمها الحقيقي وجدامهم ,,,
أبدآ مش أول مره بعدالمحسن أذا كان في أمر ينتقد فيه ينتقد وعلى فكره ياما أنتقدت بوعبدالمحسن من 3 سنوات فاتت في مقالات سياسية بأسمي الحقيقي وياما تناقشنا بالتلفون
حسافتج هذيان ما تجامل أذا عندها شئ حقيقي للأنتقاد :)))))))))))
نورت كلمات
هلا بوراشد
تسلم يا أخوي يا كلامك الطيب
بوراشد أنا قلت من قبل يوم كتيت عن عصام وغيره ,, لا أحد يجي يزايد فيهم على راسي ويطلع روحه فاهم ,, هذيان محد يزايد عليها ولا أحد فيهم يطلع روحه فاهم على راسي ,,, أنا حرة قلمي وأنا كنت أكتب أسمي فما بالك بالمدونة ,,
يا بعد قلبي الله يهديك أنا أرد على أحد عاد ,,, البحر موجود يشربون منه
جان مو عاجبهم ,,,
تسلم يا الغالي بس لا تطول التدوين ولا ابيزه من دونك
ما أحب الخرفان ما آكل لحم يا بوراشد
:)))))))
فريج سعود
عبدالصمد ولاري إيه صاروا حكوميين أوس عشره ,, خليها على الله
بوعبدالمحسن لا ما شاف الخمسين من مبطي
شقح على الخامسه وخامسين على قولت عبدالحسين عبدالرضا
الأعضاء جياكر يا فريج سعود اهنيه عله الخمسين
هذيان يعطيج العافيه على الموضوع
توقعنا الخرافي يغير اسلوبه عقب ما انظمت صليبيخات والدوحه لمنطقته وانه بيغير بالطرح لو تام على حطه الايد على الخد ابرك
بس شكله فهمها غلط
او قال اصوت ضدها وانا اعوض اهل صليبيخات والدخل المحدود.
وجذي يرضي الطرفين المخمليين والي مو مخمليين :)
تحياتي
mohammad
الله يعافيك يا أخوي
والله ما ودي أضيق خلقك بس هالمجلس محد متغير فيه لأنهم عارفين محد يطولها مره ثانية لو حل المجلس
أنا منتقده بوعبدالمحسن لأنه المفروض يكون وكما تعودنا في المجالس السابقة يبقى على الحياد وهذا كان أفضل له
لكن الويل واليام القادمة اللي راح تكشف نواب آخرين كانوا الشعب منخدع فيهم
أما أهل الصليبخات كانوا جدآ غلطانين مش عشان بوعبدالمحسن لا حشى بس كان بأمكانهم يطلعون على الأقل 3 أو 4 نواب حتى يكون التمثيل بالمجلس لهم أقوى
تسلم يا أخوي وحياك الله بكلمات
هذيان ..
هذا اول تعليق لي على مدونتج ..صارلي فتره متابع فقط ..
بوعبدالمحسن واضح ان هذي آخر دوره له فماعليه اي ضغوط في اي تصويت ..
عموما ال50 وايد غريبه واحس انها مادرست كفاية ..
وشكرا
molok
بالتاكيد بوعبدالمحسن ونواب كثر هذة آخر دوره لهم فأصبحت مواقفهم علنية دون حسبة أنتخابات قادمة بالتأكيد للأسف !!!
أما الخمسين دينار وقبلها 120 فحقيقة نسبة زيادةغريبة في بلد الفوائض المالية مركونة والخدمات حتى يتم خصخصتها يتحمل المواطن مساوئها والغلاء المعيشي المرتفع وارتفاع سعر النفط بهذا الوضع والأهم والمهم أن الحكومة تدرك جيدآ أنه من المفروض على المعطيات التي تملكها البلد كان يجب أن تكون زيادة الرواتب للكويتيين مالا يقل عن ما بين الستين إلي الثمانين بالميه من نسبة الراتب والحكومة تدرك تلك النسبة جيدآ ,,,!!!
تشرفنا وحياك الله دائم في كلمات
إرسال تعليق