الناس كل(ن) له طبعه ومنهاجه وأنا عن الناس ما شئ يفرقني ,
إلا أني دايم أحب الصدق وأواجه
مخلوق والله على هالوضع خالقني
حتى رفيقي ضماد القلب وعلاجه
على كثر ما أتمسك فيه صدقني
لو أدري إنه مرافقني على حاجه
لأمسكه حاجته وأقول يلا فارقني ,
----
لا تشوفني أضحك وأنا داخل الطوق ,
هذا فقط شكلي لي صرت راضي ,
بالطيب تاخذني لسابع سما فوق ,
بالغصب أنزل بك سبع أراضي
-----
هناك 4 تعليقات:
صح لسانج
كفو
عسانا بس معاك بالطيب؟! :)
ما لنا خلق ينزل بنا سبع اراضي :)
كويتي لايعه جبده
لااااااااااااااا محشوم يا خوي
تدري شنوالمشكلة يا خوي أذا نزلت واحد سبع أراضي وبعدين حنيت عليه شغله تعال طلعه من الأرض السابعه :)
حتى رفيقي ضماد القلب وعلاجه
على كثر ما أتمسك فيه صدقني
لو أدري إنه مرافقني على حاجه
لأمسكه حاجته وأقول يلا فارقني
ما فيي كلام بعد هالبيتين
هذيان المدونه سكرتها
وخلينا التدوين للفطاحل :)
هلا وغلا بوراشد من يومين وأنا أدورك وحاشتني حالة أحباط عسى ما شر أشفيك
ومنو الفطاحل غيرك يا الغالي تعوذ من بليس
إرسال تعليق