سرايات جبلة سيتي !!

اليوم اللي يبتدي بحنه وأتصالات ينتهى بسرايات !!!

*****

يوم الجمعه الصبح أذتني التلفونات وأذا ما كنت يم الموبايل كل خمس دقايق ترجع تلاقي 10 مس كول ,,, أتصالات على رأسي من صباح الله خير من عيايز جبله سيتي ,,, عيايز جبلة سيتي هما الوالدة وعمتي عاشقات روتانا زمان ونجاة الصغيرة وأغنية لا تكذبي لا وبعد يعشقون رشدي أباظة أما لقب عيايز جبلة ستي فهو سيم بيني وبين بس عنهم ,, وبليز بس لا تفتنين وتقولين أني كتبت عنهم بوست ,,,!!!

كانوا من الخميس نايمين بالشاليه ما أدري أشعندهم أحتمال كانوا ينظمون أنتخابات فرعية تهقون ,,,, ؟؟ المهم أتصالاتهم الجمعة الصبح على رأسي كانوا كل ربع ساعة يغيرون طلب الغدى شنو يطبخ لهم الطباخ مره محمر ومره امموش ومره مجبوس دياي ومره ومره فضخوا قلبي ... آخرتها عناد لهم ولحنتهم خليته يطبخ لهم محمر ومرق دياي ومرق لحم وفكيت روحي ,,, المهم وأنا طالعه لهم للشاليه جان يتصلون على ويقولون ترى أحنا طلعنا الساعه 11 من الشاليه ورحنا منتجع صحارى ,, عووووووووووب من عمرهم ,,, المهم رحت لهم صحارى وبس كانت معاى على الخط وشافت شلون كسروا التلفون الثاني على ,,, وصلت والله وجان ألاقيهم بنات البرزلي حاجزين شالية يوم أخي اللي كانت من أمس هناك ,,المهم تغدوا وخلصوا وبلاااااااا بلاااااااابلاااااااااااا ,,, المغربيه قاعدين جبال حمام السباحة ,, ويشربون الشاي ويتسمعون غناوي شنوا غناويهم كانت سامرية ( مرحبا بالخضر سيدي حضر , وسبب قلبي أعيونه هيضني ) ,, وسوالف من اللبنان وسب في عون ونصرالله وأبوكشه ( وليد جنبلاط ) على قولت أمي يبون يروحون حق بحمدون على قولتهم ما بقى فار في لبنان ما تزوج في شقتهم أهناك وهم مو قادرين يروحون من حرب 2006 خايفين يطبون بيروت ,,, وبعدها سولفوا عن مصر بيروحون اللي بيتغير مطبخ شقتها واللي بتغير السيراميك كل سنتين تييهم هالحاله ,, وبعدها أسمع عمتي تقول حق أمي أذا خلصنا من لبنان ومصر خل انروح أيطاليا أسبوع يا جماعة عمتي عندها سر مدفون هناك شنو ماأدري وطبعآ أذآ يابتلك طاري أيطاليا ,, ما تخلص سالفتها إلا أذا قالتلك بيتزا إيطاليا غير ما شفت مثلها ...على أن عمتي بيتزتها كويتية بحته مش أيطالية لأن طلب البيتزا عندها بيتزا من غير صوص طمام يعني بيتزا بحارى ,, وأختموا في لندن ,,, بصراحة أعجبتي سالفتهم ,, قربت صوبهم وسوسو بيت أختي الصغيرة يمي قاعدة ,,, السالفة تسوى إيطاليا ولندن مع عيايز جبلة سيتي ,, النهار حنه وشلعت قلب بس الزين فيهم بعد الساعة 8 بالليل مأمنهم بغرف الفندق وأنت تطلع ,,,المهم قمت أساحلهم شوي بعيد قلتلهم أنا معاكم بالسفر ,, ردت سوسوبنت أختي عمرها 3 سنوات وجم شهر على طول أنا وياج صح ,,جان تشتغل لوية عيايز جبله سيتي مالنا شغل فيج أبوج أهناك روحي معاه أنتي بنت أهلك ,, طبعآ الكلام ما كان عني كان عن سوسو الصغيرة ,,, خبركم الجو العام بالكويت سياسي وقوى أهل سوسو السياسية بتاتآ تختلف عن قونا السياسية ,,,سوسو ليبرالية حتى الثمالة ,, وهالأيام مارد القبيلة صحى لمن ينتمي للقبائل ,, وأهل سوسو صارلهم 4 أيام أفتتاحية صحيفتهم القبائل ولا طلابة القبائل ,,, شوى جان أيينه ذاك الهواء اللي ما أشوف إلا الكراسي تطير فوق رأسنه .. وما أدري شنو على الطاولة يطير ويطيح بحمام السباحة ويه غبرا ,,, بسرعة شلت سوسو لا تطير وأترك عيايز جبلة وأدخل ( يا روح ما بعدك روح ) أنا خبري كان فيه هواء بارد والوالدة كانت حاطه شال خفيف على جتفها ,, جني شفت الشال طار وأنا أشيل سوسو ,, بس الوالدة ما ألتفت عليها ,,, المهم بعد الربكه لمده 5 دقايق لقيت الوالده دخلوها الشاليه وعمتي بعد ,,, بنفس اللحظة تذكرت شئ طار من الطاولة وهالشئ أنا متنرفزة وأبيه الحين ,, بسرعة طلعت من الشاليه ركبت السيارة مع السايق وقلتله حرك للبيت ,,حرك السيارة وإلا سوسو مع شغالتي راكبين معاي .. بنص الطريج وإلا بنتي متصله علي وأسمع أصراخ وصيحه ,, طبعآ أنا لما أخترع لازم أسب ,, أشفيكم أحد صاير فيه شئ ,, جان تقولي سارونه يدورونها لا مو لاقينها لا بشاليه أمها ولا شاليهنا ,, المهم قلتها سوسو معاي قولي حق أمها ,,, أول ما قالتلهم وأرتاحت أمها من الخرعه ,, وإلا متصلين على عيايز جبلة يتحلطمون ,, عادي أوقفت عليهم ,,,كل الكويت تتحلطم هالأيام ,, أسمع أمي يم عمتي اتحلطم وعمتي تكلمني بصراخ ,,, أشفيكم ,,,أثاري معصبين شلون لما الهواء طير الكل اشحقه خليتهم وخذيت سوسو ....!! أشمعنى سوسو ,, !!!!!

وما زال التحلطم مستمر ,,, واليوم اللي يبتدي بحنه وأتصالات ينتهي بسرايات !!!!!