لندن يا صدى صوت الحنين
و ذكريات قلب حزين
في عتمة ليل السنين
لندن كم ليلة فيك لم تنسى
ليلة كالعمر و العمر يقسى
ليلة للصبح و الصبح يمسى بالحنين
لندن كم أنتي طاغية و الطغيان بك يكاد
عتمة الليلة كسقوط بلغراد
من الظالم ومن المظلوم ومن كان ك " روحي " زاد
لندن يا مسى لم يكن ك " غيرك مساء
لندن يا ليلة السعادة و الشقاء
كم شقاء تساوى بالهناء
فحطم الجفا و ل " لندن " جفاء
لنـــــــــــــــــــــــــــــدن
***
كل عام وأنت يا بوراشد بألف خير
من الكويت ل " لندن "
هناك 9 تعليقات:
90% من الكويتين يحبون لندن و عندهم ذكريات فيها
إلا آنا ما أحبها ولا أواطنها بعيشة الله و ذكرياتي فيها مآسي
تحياتي العطره لك ، و الف صباح الخير .
الا بو راشد وينه ؟ ترى فاقده وايد .
ارجو بلاغه سلامي الكثير ، حيث اني اشتقت له
كثيرا .
كل عام وانتي الحب
:)
قاعد اغازلج
اقول ام دلول تبين الصج انا قاعد انطر الضربة القاضية علشان ادلي بدلوي
ومثلج عارف انا مالي بسياسة التناجر
(تناكر) والطفاقه المغلفه بالاستعجال
ومجاملات زائرين الاضرحة
وتغليف الالحاد بكلمة الحرية
الناس استخفت ياعزيزتي
ماغير سب وشتايم
ماصارت حرية هذي
حتى هايدبارك مافيها هالاسهال المتدفق
واللي مخليني اطق على راسي انهم معترضين على طفاقة القبس وافتتاحيتها
المشؤومة
وبنفس الوقت تلقين الواحد فيهم من الجنسين يقول حق اللي يتبرك بطابوق الصناعات العراقية تقبل الله
P:
ان قلت قبل مدة حول سياسي
الحين عدينا هالمرحلة وصلنا لمرحلة
العفن الفكري
عاضه
هلا بالرفيق :)
موجود ياخوي قاعد اتطمش على الثورة
البلشفية بقيادة فلاديمير ب(لو)قر
ولايطوفك في مناضل يديد اسمه حزه مع
اضافة حرف الهاء
هذا شكله ينافسك لان الحزه اللي فيه
تفتخ
P:
عساك ماتفقد عزيز يا خوي
ست الكل شكرا لألك من الألب
ويازين الوايت ليز
يرد الرووووووووووح
:)
كل عام وانتم بخير
واي good morning صباح الخير على قلبك بوراشد شلونك شخبارك
صج صج ولهت عليك وايد وايد وايد فديتك
أما الربع ما أدري شنو يبون
يقولونلك إلا الدستور و الدستور وبلا بلا بلا بلا واهم يتجاوزون الدستور
إلا بقولك الدستور ما قالك رئيس الحكومة من أختصاص الأمير
شلون اهم محتجين على ناصر المحمد و ما يبونه
على طاري ناصر المحمد رئيس الحكومة نفسه متمسك في الدستور على حسب ما قاللي قبل لا يسافر عيل اشعندهم عليه
طيب الشيخ جابر المبارك مش وزير في حكومة ناصر المحمد حسب الدستور
عيل اشفيهم مو عاجبهم
عاد جابر المبارك يساوهم كلهم جان مو عاجبهم
أقولك أمس عندي دكتوري عراقي كبير بالعمر جنسيته بريطانية يقوللي انتوا مو مضيع ديرتكم الا ديمقراطية الربربه
اقولك التبرك بالفبور و ألحاد الحرية هذي ثقافة بني قوقل :)))
بوراشد قلبي كنت وايد احاتيك وذاك اليوم كنت في مطعم إيطالي اهني في لندن وعندهم اكله غيره عجيبة بس اتهبل
ارضي شوكي بالصوص وطريقة اكلتها غريبه تنقصتها لك جان اقول يا ربي بوراشد اي هو
وكتبت إلك
:)))
shoosh
وتبقى لندن غير
بس ابعيد عن الكويتيين :)
عاضه
مرحبتين و صباحك عسل
بس هل و بين
يا ويلي ويلاااااااااه ، اَبْكْ وينك اَنْتْ بو راشد ؟ ههههي
عسى الله يسلم هذيان و يحفظها اللي عرفت تطلعك من غارك
لا بركةٍ فبليس ، و الله لو تشوف شقة الحلج من الوناسه
يوم شفتك يا خوي فقدناك ، بس اثاريك قاعد اتراقب الثيران
اقصد الثوار ، ها ؟
و على طاري الهايد بارك ، عندي لك صور حق باكستانيين
مسوين مسيره من ١٠ ايام عند الهايد بارك ، بس ما دري شسالفتهم
؟ شفتهم العام بنفس هالوقت بس كامرتي ما كانت وياي و مت من القهر
بس حظي اني صادفتهم هالمره . بدزهم لك .
هذيان .... انتي مصدقه ان السالفه دستور و كلام فاضي ؟ يبا القصه و ما فيها انهم حاقدين على الاسره و عقدتهم اي اسم فيه الصباح .بسسسس.
و الحين اقولج مشكوره هذيان و عرفت من عنده اروح اذا بغينا نييب
دماغ بو راشد .لوووووول
و انت يا الله عاد لا تطول :-)
عاضه
وااااي صج أنتي زوقه
أعجبتني الثيران مدري الثوار :))))
سلم فاهك
عاد بوراشد أذا ما طلع و بين حق هذيان أروح من الحين اسوى مظاهرة بالهايد بارك
أما أهل الدستور عيال الحلال ماأدري اشيبون حطولهم مظلات عند حديقة وهران خليهم يتظاهرون مثل الباكستانيين
هذيان ، و الله مت ضحك ، عاد عند
حديقة وهران الله وكيلج اهل الشامية
تشوت و تفنقر فيهم ، بروحهم ما يحبون الازعاج .
حطي بالك لا باكستاني مضيع ليلحين قاعد
بالهايدبارك ، يطقك بدال لا يطق روحه .
لوووووووووو ل
لا تمرين هناك حطي بالك .
اهل الدستور ؟؟؟ الا ثيران لا و بدون قرون بعد.
إرسال تعليق