هذي الصورة منقولة من مدونة معالي الزميل بوراشد
بوراشد الله يغربل أبليسك من وين طلعت فكرة الصورة
الله يا مسلم البراك من امس وأنت مطقاقه
إيه يا البراك هذة حوبه خلق الله يا خليتو الناس حراميه و متجاوزين
و يا اليوم اللي طقتك ابيزه !
حوبة خلق الله يا مسلم
و ابو طبيع يا البراك ما يهد طبعه
و أنت اتعرف طبعكم شنو
إيه نعم من عمر الدنيا قلب أسود و منكر حسنه !!!
و يا كثر ما تنكرون
***
30 نائب في مجلس الأمة جددوا الثقة بالوزير
هذة الديمقراطية .. ليش معترضين وإلا الديمقراطية عندنا بالكويت صارت على هواكم
تفصلونها مثل ما تبون
لا حول الله ديمقراطية عرجاء بالكويت
لا وبعد تعاني من حول سياسي
***
خالد الطاحوس كان يهايط و يقول راح يقلب الطاولة
يحليلـــــــك
رد على الجهويل أول
***
الكلام عن المال العام زين و عن حرمت المال العام برضو زين
بس أشوف المال العام عند الربع
يوم تصير له حرمه و يوم صبيك
أختاروا بر و أنا أرسى عليه
***
عظم الله أجركم
مو بالمال العام
بمايكل جاكسون
الله يبيح منا ومنه .. عاد ما ينسي بدينا مراهقنا عليه
ابن الحلال اهو مات
و احنا ما توفجنا
***
بوراشد صبا
دلـــــــــــــول أوصلت اليوم
ما تشوفون الديرة نورت
***
يقولون الناس بتهون من السفر
بسبة انفلونزا الخنازير
اول في بداية الموضوع شكلي خفت
أما الحين
أكتشفت أن انفلونزا الخنازير أرحم بكثيـــــــر
من انفلونزا الضبان
إيـــــه يا الضب
انفلونزا الخنازير ديتها أسبوع و تخلص
أما انفلونزا الضبان
(( النجم لا طاح قالوا عنه هــــــوى ))
غيار ما تهنا منامك ليه يا صاحبي والدار نفس الدار
ولسانك حصانك صك بابك ولا تتلقف الأخبار
ما ظني هيامك ذاك لي أعرفه واصبح لهيب النار
حد غرك ولامك قال لك ان خلك صار له ما صار
لا ترمي سهامك ظلم لا تستمع للحاسد المكّار
جدّد لي غرامك للمحبة سوا ونكمل المشوار
هناك 8 تعليقات:
على فكرة ..
نحن "كنا" من أشد مؤيدي نواب المبر والتحالف وشق كبير من النواب الذين عارضوا طرح الثقة بالوزير، ويوم شفنا أن موضوع التجاوزات على المال العام راح تُظلم فيها "الكويت" قلبنا عليهم وبالفم المليان !!
هذي ما يعني أن أحنا كفرنا بالديمقراطية، ولكنا أختلفنا براينا معاهم وأحتكامنا لمبدأ الأكثرية لتغليب كفه على كفة وهم اللي أنجحوا بالنهاية "وأحنا ما خسرنا" !!
المسألة مسألة مبدأ ووكيفية الدفاع عنه لو كان اللي تختلف معاه علي الراشد أو خلف دميثير أو حتى على أنفسنا، راح نقول راينا بأي كان ولو كانوا أكثرية بالمجلس!
العمه
يا عمه لا يصير ضميرنا على الكويت عور عين نسكرها وعين نفتحها
يبقى اللي كان مفقود أحترام الراي الآخر و هذا كثيرا ما لمسناه في قضايا و ليست هذة أول قضية
يبقى الراي الآخر لا يكون حكر ولا موسمي
نعم نؤمن بالديمقراطية وطز بالمال العام والخمسة مليون
نعم نؤمن بالديمقراطية ونسلق اليوم 12 مليار بخمس دقايق وحلال عليكم المال العام
وبالنسبة لانفلونزا الضبان اللي اخطر منها انفلونزا الهوامير الله يكافينا الشر .
قرت عينج
:)))))
الحمد لله على سلامتها غدا شرها
الله يحفظها ويخليها لج وتفرحين فيها يارب ...
أحلى خبر ...
وبوراشد عليه حركات
حتى انا ما سلمت منه
بس ما دري ليش انتي ما يحط عليج
:(
من كثر ما دلعينه يمكن
يستاهل..
:)
وتعيش الديمقراطيه
1/صفر
؛)
سلمي على نوره
تحياتي
:*******
معمعة
معلش شنو دخل الديمقراطية بالمال العام
و المال العام بس في قضية وزير الداخلية !
وبعدين مين اللي سلق الميزانية ب 5 دقايق والسنة اللي طافت الميزانية انسلقت وين النواب بعد
أما انفلونزا الضبان فهي موضوع خارج نطاق التدوين حتى لا يكون فيه لبس للجميع
صبـــــــــو
يا حياتي بويه نبيج
الله يسلمج و يخليج و يحفظلج غاليج
ايه والله يا صبا ينيت الفترة اللي سافرت فيها و الحمد لله على كل حال
بوراشد عجيب
روحهم مو رياضية ما يتقبلون الديمقراطية
:)
ترى عيزت ابدخل مدونتج مغلقه
الحمدلله على سلامة دلول
:)
الله يبلغج فيها انشالله
وتشوفينها عروس
ست الكل
ليش الديمقراطية حلوة مع نبيها خمس
ومو حلوة مع عدم طرح الثقة بالخالد
ترى سؤالي بيزنطي
P:
وليش المال عام حرام على المسؤولين
ومو حرام على صغار الموظفين
اللي يزرقون من دوامهم علشان يحضرون
جلسة مجلس امة او يروحون يفترون بمجمع
P:
وليش البعض معصب من نتيجة طرح الثقة
تهقين لأن تبين لهم شكثر اهم سطحيين
ومايدرون وين الله قاطهم
:)
تساؤلات اطرحها على فخامتج عل وعسى
القى حبيبي المغترب
:)
المدونة بكل مافيها تحت امرج مو بس الصورة
صبااااااااااا
يوزي وعن التحرش
صفا
:)
مرحبتين و مسهلا
الله يسلمك و يخليك يا الغالي
بالنسبة لتساؤلك الأول ليس الديمقراطية في نبيها خمس زينه و عند الخالد مو زينه
لأنها ديمقراطية عرجاء
أما التساؤل الثاني
الله يخليك و يحفظك لأنها ديمقراطية حوله
أما التساؤل الأخير يا بوراشد يا عزيزي
لأنها ديمقراطية عوره !
شفت شلون وضع الديمقراطية عندهم
حاله مستعصيه
خااااااااااالص
احفظها معاليكم
عرجاء عوراء حولاء
هذة ديمقراطيتهم !!!
اتهقى عاد الحبيب المغترب يرد
يعني الضب يطلع من الجحر
إييييييييه
:))
يسلموا و برضو يسلموا
إرسال تعليق