صباح الخير بوراشد

العزيز و الغالي بوراشد

ما راح أعيد وأزيد في كلامي الذي ذكرته لك بالإيميل عشان ما يصبح حجيي أسطوانه مشروخه ,, راح أقولك بأختصار أنت تامر على رقبتي ولأنك من أغلى الناس عندي بالتدوين وتسوى عيوني راح تتفهم كلامي ,,,

1 - أنا لما تكلمت عن سعد العجمي وفيه غيره كثير بعد بعالم الصحافة فيا بوراشد مو من المنطق ناس من 4 سنوات ما عندها إلا معاشها واليوم شرت البيت وتلعب بأكثر من 150 الف دينار بالبورصة وكل منين كلام العضو الفلاني أعمله فوكس بالصفحه الأولى وإلا أكتب ومجد بمقال للعضو العلاني ,,,

2 - مسلم البراك لما يكون تبرير مقابلته مع مدير شركة أمانة بغرض المساومة ويقول أن الموضوع ممكن يكون خارج المجلس وما له شغل الموضوع بالمجلس اهنيه يمكن روح الدستور اللي تكلموا عنها ,,,

3 - أحمد السعدون ما أدري أذا كان توكيل لخمسين محامي جاهز بوقت واحد غايته الدفاع عن تجاوزات هو عارف أنها راح تظهر للعلن قريبآ ,,, ما أعرف للسعدون وتجاوزاته تصير ضرب ذمم وعند الحكومة تصير بوق وسرقة ,,,

4 - النقطة الرابعه أنا وعدتك ما أتكلم فيها ولأجل عينك راح تشوف اللي على يسار المدونة انشال !!

5 - وهذة يا بوراشد بالنسبة لي الكل لازم يفهمها اللي يضرب بالذمم وتصير عنده مثل شربت المي وهو ما يقول الحقيقة اهنيه تكون اللي ذمته وسيعه ومتعود على التجاوزات ,,, و هذيان لا تجاوزت ولا أخذت عود واحد وهذا مو حجي هذة حقيقة غصبآ عن القاصي والداني والذمة للي ضميره صاحي ,

6 - بوراشد أرد و أقول أنت تسوى ماى عيوني وبالتأكيد ما ترضاها لي ,,, اللي وعدتك فيه اللي أقدر عليه وهذا آخر شئ راح أكتبه بهذا الموضوع عشان وعدي لك ,,,!

-------

خارج الموضوع

-------

للنائب أحمد المليفي : عيدك مبارك هذا العيد فقدنا معايدتك !!!!

عاد يا بوأنس أنت اكثر واحد عارف أن هذيان ما عندها خصومة شخصية مع أحد وتعودنا ننتقد وتختلف بوجهات نظرنا في مواضيع السياسة وما تكون خصومة بدليل وأنت أكثر واحد عارف قصدي علاقتي مع الوزير أحمد باقر من أحسن ما يكون وأنا اكثر من أنتقده علني يومها بالجريدة أيام كان وزير عدل ,,, وحتى النائب مسلم البراك تلقيت منه معايدة وبدر الحميضي بعد ,,, فأتمنى ما تكون المواضيع اللي طافت سببت خصومة شخصية ؟