أستجواب رئيس الحكومة غير دستوري !!!
لا يجوز أستجواب رئيس الحكومة بأمور عامة بلا محاور محددة
الأمر الذي تحدث عنه الأستجواب مش من اختصاص رئيس الحكومة يرجع إلي وزير الداخلية !!
وأيضآ لو قدم أستجواب لوزير الداخلية بهذا الموضوع سيكون غير دستوري لأن الأمر ما زال ينظر بالقضاء !!
(( رأي الفتوي والتشريع ))
***
يا جماعة ولعت ولعت تصاريح ,,,, حارس لا يوقف اللي عنده تصريح خل يطلعه اليوم (( حشر مع الناس عيد ))
صباح الخير وهل كيف فالكم مو طيب !!
من أمس أشتعلت الديرة يطلع فالي ,, يقعد فالي ,,, وكلن يبي فاله على فال الثاني والمانشيتات بالجرايد تقولك الوضع وصل حده ,, والكل رفع بيرقه اليوم تقول مصلحة الديرة عنده ,,, و الكل أناني ومحد شاف مصلحة الديرة والكل يفصل وصلة ردح بأسم الديمقراطية ,,, !!
الكل شنو يبي الحين والكل شنو سالفته و وين علته !!
اتعرفون العله في شنو الكل ما عرف حدوده في كل شئ حتى في النقاش والحرية الكل يبي يقفز على الثاني !!
واللي يبي الأصلاح خلي يبتدي بحاله ,,,
***
مقولة كل واحد وقف ضد رئيس الحكومة مع أحمد الفهد !!
معلش هووون لازم نوقف ,,, نترك رئيس الحكومة وأحمد الفهد على صوب ونرجع بالذاكرة ل 2006 والبرتقالي ولا للمفسدين ولا ل 3 + 1 ولا لطيور الظلام ,,,, يا جماعة الحجي واضح نبي بس النواب اللي غيروا نظرتهم بكل هذا الموضوع يوضحون لنا ليش وشلون بوضوح ... الطلب مو صعب النواب اللي اطلعوا بالشارع وما خلوا كلمة ما قالوها من ثورة حتى النصر إلي مفوشحه إلي خفافيش الظلام ,,, ؟؟؟
الحجي واضح من سنة 2006 وأنتوا مأزمين البلد وطلعتوا مصطلحات وقلتوا وعدتوا ,,, العله مش بأحمد الفهد ولا بشرار العله فيكم يلي تقولون طلعنا للشارع وحركناه هذة نتايجكم ...!!
الحكومة ضعيفه وفاسده والمجلس فاسد ,,,انزين والشعب ما يتحمل المسؤولية
هناك 6 تعليقات:
ست الكل
الشعب مسكين
يبي يعيش
ينتخب عاشور
ينتخب بوكا هانتس
مو مهم
المهم انهم
يستمرون بحياتهم
وراهم عيال فاتحه حلوجه
وراهم بيوت يدفعون اقصادها
الشعب يا ست الكل
شاف احلامه تنداس
الشعب شاف كويت العز
تنهان
ست الكل الشعب
عطا كل اللي عنده
ما بقى غير الروح
يسلمها ويرتاح
شعبج يا سيدتي
شعب ذهب
معدن اصيل
مهما على عليه الصدأ
برشة حنان يرجع
يلمع
هذي خرابيط بوراشد
قبل لاينام
اتمنى اتها تكون خفيفه على
قلب ست الكل
سلميلي على بس
وتحمدي لأخيتج بالسلامه
نيابه عني
وقولي حق دلول
بوراشد يقولج عندج ام ذهب
ديري بالج عليها
:)
لنا لقاء انشالله
اذا كنا من الحيين واياكم
عطينه تصريح و صلحه و كثري الدريفيتفز شوية :) لوول
بس انا افتر راسي مادري من الصاج و منو الجاذب .. ادمرتنا هالسياسة ..
أنا عندي تصريح بهالمناسبة
يجب تطبيق القانون ومساءلة المقصر، وعلى رئيس الوزراء تحمل مسؤولياته، والنائب اللي يهدد باستجواب وما يقدمه لازم يقرعونه
هلا وغلا يا كل الغلا
بوراشد يا ليت ايعرف الشعب مو كل من قاله شعار اصلاحي
بوراشد على الاقل اليوم الشعب ابيده هالمجلس خليه يطلع مجلس آدمي مومجلس نصاب مجلس يطالب بحقوق الشعب مو ياكل حقوقه
يا بوراشدماني ضد شعبي والله والله بس ضد ان الشعب يصدق خلاص وضعه الردي بيد فلان وفلنتان من هالخمة
الله يعدلها على الشعب وعليك وانا وياك
يا حياتي الله يسلمك ويحفظك
اما دلول اقول يكبرون وهمهم يكبر يا معود خليها تدير بالها على نفسها انا راضية
يسعدلي مساك
بوتشخيص
صرح ابوي صرح اوقفت علينا والله لجو راسي الظهر كل دقيقة مسج تصريح
ايه الله يحفظ هالديرة
فهد العسكر
صوتك وصل حبيبي هذي مدونتكم صوتكم تصريحك وصل
إرسال تعليق